Novidades de normativa 2018

Final da "UEFA Champions League 2019" e "UEFA EURO 2020": novidades no IVE introducido polo Real Decreto-lei 27/2018, do 28 de decembro (BOE día 29)

A Disposición adicional primeira do Real Decreto-lei 27/2018, do 28 de decembro, no seu apartado cuarto establece un réxime fiscal específico no IVE para a entidade organizadora do acontecemento, os equipos participantes, persoas xurídicas constituídas por ambos os dous con motivo destes eventos e empresarios non establecidos en Península e as Baleares que leven a cabo operacións relacionadas cos mesmos:

• Devolución de cotas soportadas como consecuencia da realización de operacións relacionadas coa celebración destes eventos:

  1. Empresarios non establecidos na Comunidade: non se esixirá o requisito de reciprocidade previsto no artigo 119 bis da Lei 37/1992.

  2. Entidade organizadora, equipos participantes, persoas xurídicas constituídas por ambos os dous con motivo destes eventos e empresarios non establecidos en Península e as Baleares:

     Cando teñan a condición de suxeitos pasivos, terán dereito á devolución das cotas soportadas con motivo destes eventos ao termo de cada período de liquidación. O período de liquidación coincidirá co mes natural, debendo presentar seus declaracións-liquidacións durante os 20 primeiros días naturais do mes seguinte ao período de liquidación, agás o último período do ano que se presentará durante os trinta primeiros días naturais do mes de xaneiro.　

     Estes empresarios non quedarán obrigados á leva dos Libros Rexistro do Imposto a través da Sede Electrónica da AEAT (SII).　

     No caso de empresarios ou profesionais non establecidos en que concorran os requisitos previstos nos artigos 119 ou 119 bis da Lei 37/1992, a devolución das cotas soportadas efectuarase conforme ao procedemento establecido nos devanditos artigos e nos artigos 31 e 31 bis do Regulamento do Imposto, aprobado polo Real decreto 1624/1992.

• Representante fiscal　

  Cando se trate de empresarios ou profesionais non establecidos na Comunidade, Canarias, Ceuta ou Melilla, ou nun Estado co que existan instrumentos de asistencia mutua análogos aos instituídos na Comunidade, non cumprirá que nomeen un representante para os efectos do cumprimento das obrigas fiscais relativas ao IVE (excepción ao que se establece no artigo 164.Un.7ª LIVE).

• Importación temporal de bens con exención total de dereitos　

  A importación de bens utilizados temporalmente no desenvolvemento destes eventos estará exento do IVE. O prazo máximo de 24 meses para a súa utilización prevista no artigo 9.3º.g) da LIVE expirará, a máis tardar, o 31 de decembro do ano seguinte ao da finalización destes acontecementos deportivos.

• Localización de servizos: regra de uso efectivo

  A regra establecida no artigo 70.Dous da LIVE, conforme á cal determinados servizos localizados fóra da UE tributan no territorio de aplicación do IVE español se a súa utilización efectiva se produce neste territorio, non resultará aplicable cando os servizos sexan prestados polas persoas xurídicas residentes en España constituída con motivo do final da "UEFA Champions League 2019" e "UEFA EURO 2020" pola entidade organizadora ou polos equipos participantes e estean en relación coa organización, a promoción ou o apoio do devandito acontecemento. Desta forma, servizos como a cesión de licenzas, o arrendamento de bens mobles, o asesoramento ou a publicidade, prestados por estas entidades a empresarios establecidos fóra da UE ou os de telecomunicacións, de radiodifusión e de televisión, prestados tanto a empresarios como particulares con domicilio fóra da UE, estarán non suxeitos a IVE.

por el que se adoptan determinadas medidas en materia tributaria y catastral.(BOE, 29-diciembre-2018)