Real Decreto-lei 20/2017, do 29 de decembro (BOE do 30): prórroga dos límites de exclusión do réxime simplificado e réxime especial da agricultura, gandaría e pesca para 2018
Con efectos desde o 1 de xaneiro de 2018 e vixencia indefinida, o artigo 3 do Real Decreto-lei 20/2017, do 29 de decembro (BOE do 30), polo que se prorrogan e aproban diversas medidas tributarias e outras medidas urxentes en materia social, modifica a disposición transitoria décimo terceira da Lei 37/1992, do 28 de decembro, do Imposto sobre o Valor Engadido, que queda redactada da seguinte forma:
«Disposición transitoria décimo terceira. Límites para a aplicación do réxime simplificado e do réxime especial da agricultura, gandaría e pesca nos exercicios 2016, 2017 e 2018.
Para os exercicios 2016, 2017 e 2018, a magnitude de 150.000 euros a que se refire o primeiro guion do número 2.º e o número 3.º do apartado dous do artigo 122, e o número 6.º do apartado dous do artigo 124 desta Lei, queda fixada en 250.000 euros.»
En consecuencia, para 2018 e en relación cos límites de exclusión do réxime simplificado, mantéñense en 250.000 euros tanto a magnitude en función do volume de ingresos para o conxunto de actividades económicas, agás as agrícolas, gandeiras e forestais, como a magnitude en función do volume de compras de bens e servizos (art. 122.Dous.2º, primeiro guion e 3ª LIVE).
Igualmente, no réxime especial da agricultura, gandaría e pescapara 2018 mánténse o límite de 250.000 euros en relación coa magnitude relativa ás adquisicións e importacións de bens e servizos para o conxunto das actividades empresariais ou profesionais, excluído o inmobilizado (art. 124.Dous.6ª LIVE).
Ademais establécese o 31 de xaneiro de 2018 como novo prazo de renuncia a ambos os dous réximes para o ano 2018 (un mes a partir do día seguinte á data de publicación no BOE do Real Decreto-lei 20/2017).
Lémbrase que o pasado 30 de novembro de 2017 publicouse no BOE a Orde HFP/1159/2017, do 28 de novembro, pola que se desenvolven para o ano 2018 o método de estimación obxectiva do Imposto sobre a Renda das Persoas Físicas e o réxime especial simplificado do Imposto sobre o Valor Engadido.
Con respecto ao Imposto sobre o Valor Engadido, a devandita Orde mantén para o 2018 os importes dos módulos aplicables para o 2017, así como a redución sobre a cota reportada por operacións correntes establecida para as actividades desenvolvidas en Lorca.
por la que se desarrollan para el año 2018 el método de estimación objetiva del Impuesto sobre la Renta de las Personas Físicas y el régimen especial simplificado del Impuesto sobre el Valor Añadido.