Saltar ao contido principal

Preguntas frecuentes

(Actualizadas a abril de 2024)

Saltar índice da información

Sancións e efectos

Mediante a Lei 5/2022, do 9 de marzo, marzo pola que se modifican a Lei 27/2014, do 27 de novembro, do Imposto sobre Sociedades, e o texto refundido da Lei do Imposto sobre a Renda de Non Residentes, aprobado mediante Real decreto Lexislativo 5/2004, do 5 de marzo, en relación coas asimetrías híbridas, modificouse o réxime xurídico de infraccións e sancións para a declaración informativa (modelo 720) en adaptación á Sentenza do Tribunal de Xustiza da Unión Europea (STJUE) do 27 de xaneiro de 2022, no asunto C-788/19.

O réxime sancionador aplicable para a declaración informativa (Modelo 720) é o réxime xeral establecido nos artigos 198 e 199 da Lei 58/2003, do 17 de decembro, Xeral Tributaria. O seu desenvolvemento regulamentario cónténse nos artigos 14 e 15 do Real decreto 2063/2004, do 15 de outubro, polo que se aproba o Regulamento Xeral do Réxime Sancionador Tributario.

Os devanditos artigos (tanto na Lei coma no Regulamento) regulan respectivamente a infracción tributaria por non presentar en prazo autoliquidacións ou declaracións sen que se produza prexuízo económico para a Facenda Pública, e a infracción tributaria por presentar incorrectamente autoliquidacións ou declaracións sen que se produza prexuízo económico para a Facenda Pública.

Estas sancións aplícanse de forma independente para cada unha das tres obrigas de información contida na declaración informativa modelo 720, ao constituír cada unha delas unha obriga de información distinta.

Para este caso en concreto, ante a falta de presentación da declaración informativa (Modelo 720) sería de aplicación a infracción tributaria por non presentar en prazo autoliquidacións ou declaracións sen que se produza prexuízo económico para a Facenda Pública (regulada nos artigos 198 LGT e 14 do Regulamento Xeral do Réxime Sancionador Tributario).

Normativa:

Os artigos 198 e 199 Lei 58/2003, do 17 de decembro, Xeral Tributaria (artigos 14 e 15 do Regulamento Xeral do Réxime Sancionador Tributario) establecen as infraccións tributarias aplicables para a declaración informativa modelo 720.

Este réxime de infraccións e sancións establécese de forma independente para cada unha das tres obrigas de información.

Cada un dos bloques de información seguinte, constitúe unha obriga de información diferente:

  • Contas en entidades financeiras situadas no estranxeiro. Esta obriga de información regúlase no artigo 42 bis do Regulamento Xeral das actuacións e os procedementos de xestión e inspección tributaria e de desenvolvemento das normas comúns dos procedementos de aplicación dos tributos, aprobado por RD 1065/2007, do 27 de xullo.

    (No Modelo 720 correspóndese co valor da “Clave tipo de ben ou dereito” “C)”

  • Valores, dereitos, seguros e rendas depositadas, xestionados ou obtidas no estranxeiro. Esta obriga de información regúlase no artigo 42 ter do citado Regulamento Xeral aprobado polo RD 1065/2007, do 27 de xullo. (No Modelo 720 correspóndese cos valores do campo “Clave tipo de ben ou dereito”, “V”, “I” e “S)”.

  • Bens inmobles e dereitos sobre bens inmobles situados no estranxeiro . Esta obriga de información regúlase no artigo 54 bis do Regulamento Xeral aprobado polo RD 1065/2007, do 27 de xullo. (No Modelo 720 correspóndese co valor da “Clave tipo de ben ou dereito” “B)”

    Os artigos 42 bis, 42 ter e 54 bis do Real decreto 1065/2007, do 27 de xullo, establecen así mesmo a definición dos conceptos: “dato” e “conxunto de datos” para os efectos da imposición das sancións pola comisión de infraccións tributarias.

Neste caso, resulta de aplicación o artigo 199 LGT e 15 do Regulamento Xeral do Réxime Sancionador Tributario, que regulan a infracción tributaria por presentar incorrectamente autoliquidacións ou declaracións sen prexuízo económico para a Facenda Pública.

Este réxime de infraccións e sancións establécese de forma independente para cada unha das tres obrigas de información.

Haberá que estar ao que se dispón nos artigos 42 bis, 42 ter e 54 bis do RGAT , que recollen cada unha das tres obrigas de información contida na declaración informativa (modelo 720) e establecen así mesmo a definición relativa aos conceptos: “dato” e “conxunto de datos” para os efectos da imposición de sancións pola comisión da infracción tributaria sinalada.