Exercicios anteriores

Patrimonio 2014 - Presentación mediante ficheiro

Para a presentación da declaración  do Imposto sobre  Patrimonio de 2014  utiliza a ligazón "Presentación  de declaracións mediante ficheiro xerado con programa de axuda" dispoñible no apartado "Exercicios anteriores" da páxina de trámites do modelo 714 da Sede Electrónica. O acceso ao trámite require identificación con certificado, DNI electrónico ou  Cl@ve PIN.

Tras a identificación e a revisión dos requisitos para a presentación,  no botón  "Examinar" é posible seleccionar o ficheiro da declaración.

Cargarase un resumo da declaración cos datos de identificación, os datos económicos e o resultado da declaración. Se o resultado é un ingreso deberás incluír o NRC (xustificante do pagamento). Podes obtero no momento pulsando o botón "Realizar pagamento. Obter NRC" ou seleccionar algunha das opcións de  recoñecemento da débeda. Unha vez que estean cumprimentados todos os datos correctamente, fai clic en "Asinar e Enviar" para  realizar  a presentación.

O resultado dunha presentación correcta será unha páxina de xustificante, co CSV asignado, a ligazón á opción  de "Cotexo de documentos..." e  un PDF incrustado coa información da presentación (número de entrada de rexistro, Código Seguro de Verificación, número de xustificante, día e hora de presentación e datos do presentador) e a copia completa da declaración.