Modelo 380 - Axuda técnica

Presentación electrónica do modelo 380

O acceso e presentación deste modelo pode realizarse con certificado, DNI electrónico ou Cl@ve. Ademais do propio titular da declaración, tamén pode presentara un terceiro que actúe no seu nome, xa sexa un colaborador social ou un apoderado a realizar o trámite.

Ao acceder ao formulario,  mostrarase  por defecto unha autoliquidación do tipo "Cota Cero", cunha única operación a liquidar e sen medios de transporte. Se a declaración precisa un formulario distinto, modifica os datos necesarios do recadro "Datos de petición do formulario de presentación".

Despois pulsa o botón "Asinar e Enviar" ao final do formulario, marca o recadro "Conforme" e pulsa de novo "Asinar e Enviar" para obter o novo formulario.

Na parte superior, "Avisos", especificarase o tipo de formulario seleccionado.

Cobre o resto dos apartados do formulario, "Datos de identificación", "Operacións a realizar", "Medio de transporte" (se o houbese) e "Contacto e Observacións". Os marcados con asterisco son de formalización obrigatoria.

Se descoñeces o código da dependencia da Aduana, pulsa na  icona da interrogación situada ao lado do recadro. Podes facer unha busca por código, valor información ou descrición. Pulsa "Buscar" e mostraranse os 10 primeiros rexistros da consulta. Fai click en "Máis" para avanzar. Para introducir o código da aduana no recadro correspondente, fai clic no número da columna "Código".

Se a declaración ten como resultado un ingreso e non se selecciona algunha das opcións de adiamento ou recoñecemento de débeda, cumprirá  obter un NRC (xustificante do pagamento) previo á presentación. Introduce o código NRC de 22 cifras, facilitado pola  entidade bancaria, no recadro "Número de referencia".

Se  a declaración ten medios de transporte, selecciona un tipo e o número de medios. Posteriormente, cobre os datos do apartado correspondente que se habilitará no formulario.

Por último,  indica os datos de contacto e as observacións oportunas e pulsa "Asinar e Enviar", marca o recadro "Conforme" e fai clic en "Asinar e enviar", para concluír coa presentación.

O resultado da presentación será unha páxina web co aviso "A súa declaración do modelo 380 foi admitida", cos datos da presentación: Data e hora, NIF do asinante e CSV (Código Seguro de Verificación), e os datos de identificación da presentación: Número de referencia, Aduana, NIF do contribuínte e do representante, exercicio e período, etc.