Como resolver dúbidas ou erros relacionados con Cl@ve

Erro en identificación 06 ou Incidencia co seu documento de identificación

Se no proceso de rexistro en Cl@ve con CSV ou Videochamada aparéceche este erro, comproba que os datos introducidos son correctos.

Comeza o rexistro indicando o DNI / NIE e pulsa "Continuar". Indica o DNI /NIE cos 9 caracteres seguidos, sen espazos.

En función do tipo de documento indicado, requiriranse distintos datos adicionais:

• Se se trata dun DNI : indica a data de validez ou a de expedición. En caso de DNI permanente (sen período de validez) só é posible utilizar a data de expedición. Na parte inferior, dispós de dúas ligazóns de axuda en que se explica como localizar a data de validez/expedición nos distintos tipos de DNI.

• Se se trata dun NIE : solicitarache o número de soporte que aparece no teu documento. Podes despregar as ligazóns de axuda "Como obter o número de soporte...", en que se explica como localizar este dato na túa tarxeta de estranxeiro, permiso de residencia ou certificado de cidadán da UE e como consignaro correctamente no formulario de rexistro. Para máis información sobre o número de soporte, tamén podes consultar a axuda "Introduza soporte válido" (Como introducir o número de soporte)".

Ao pulsar "Continuar", validaranse os datos introducidos. Se a pesar de introducir correctamente os datos que aparecen no teu documento persiste a mensaxe de erro, deberás dirixirche a unha comisaría do Corpo Nacional de Policía para revisar e actualizar a información do teu documento de identidade.