Erro 403, Erro de conexión SSL, Non se pode mostrar a páxina ou Conexión segura falida ao acceder ou asinar un trámite por Internet

Erro 403 - NON dispón de certificado ou DNI electrónico

Cando aparece o erro 403?

O erro 403 é un erro de identificación. Prodúcese ao acceder a un trámite que require identificación con certificado ou DNI electrónico e o navegador de Internet non  detecta ningunha sinatura.
Se non dispós de certificado electrónico aparecerá este código de erro ao acceder a un trámite que o requira.

O sistema ofrecerá automaticamente as opcións dispoñibles para acceder con identificación electrónica do trámite en cuestión. Se só permite entrada con certificado ou DNIE apareceralle o erro 403. Se o trámite permite Cl@ve ou outro tipo de identificación solicitaranse os datos necesarios para continuar coa identificación.

O erro 403 aparecerá tamén ao   acceder, sen dispor de certificado, a "Rexistrarse en Cl@ve con certificado ou DNI electrónico". Lembra que o rexistro en Cl@ve pode realizarse igualmente por Internet sen certificado, mediante videochamada ou mediante solicitude de carta de invitación accedendo ao servizo "Rexistrarse en Cl@ve". Tamén é posible o rexistro presencial en oficinas de rexistro.

Que é un certificado electrónico?

O certificado é unha sinatura  electrónica que se instala no navegador para garantir a súa identidade na internet e permite realizar xestións desde o seu propio ordenador sen necesidade de desprazarse (por exemplo, acceder aos seus datos fiscais, presentar as súas declaracións electronicamente, realizar pagamentos ou solicitar e recoller certificacións directamente a través da páxina web da Axencia Tributaria).

O certificado electrónico non se solicita a través da páxina web da Axencia Tributaria senón a través da páxina web dunha  entidade  emisora. 

O procedemento para a obtención dun certificado que permita identificarse na páxina da AEAT pode variar segundo a entidade emisora. Do mesmo xeito, en caso de incidencias na solicitude ou obtención do certificado  cómpre  contactar coa entidade emisora correspondente, pois os requirimentos e circunstancias poden variar en cada unha delas . Todas as entidades emisoras dispón de opcións e servizos de axuda aos que é posible acceder desde as súas páxinas web.

Como funciona o DNI electrónico?

A páxina web da AEAT admite a identificación e sinatura mediante o DNI electrónico. Para o seu  uso cómpre contar con determinados elementos de hardware e software que permitan o acceso ao chip da tarxeta e, polo tanto, a utilización dos certificados contidos nela . Ademais, os certificados deben seguir sendo válidos xa que caducan aos 24 meses da emisión do DNI, se non se renovan antes nun dos Puntos de Actualización do DNI situados nas oficinas de expedición, e coñecer o PIN que protexe o acceso ás funcionalidades no DNIE.

Cando se acceda a unha opción da páxina web que requira certificado electrónico, o navegador debe solicitar o PIN e, a continuación, mostrar o almacén de certificados para poder elixir o que corresponda (autenticación ou sinatura).