Como resolver dúbidas ou erros relacionados con Cl@ve

"Introduza soporte válido" (Como introducir o número de soporte)

Se tes dúbidas sobre cal é o número de soporte ao rexistrarche no sistema Cl@ve, sempre que debas facilitar este dato ofrecerase unha ligazón de axuda para que verifiques cal é o número de soporte que aparece no teu documento e como consignaro.

Facilitámosche a continuación a descrición do número de soporte segundo o tipo de documento:

• Documento Nacional de Identidade (DNI)
• Certificado de rexistro de cidadán da Unión
• Tarxeta de estranxeiro
• Permiso de residencia

Documento Nacional de Identidade (DNI)

Se é un DNI, Documento Nacional de Identidade, o número de soporte estará no anverso e, dependendo da versión, estará debaixo das pabras "NUM SOPORTE" nun DNI 4.0, "NUM SOPORT" nun DNI 3.0 ou "IDESP" nun DNI electrónico (2006 - 2015).

Certificado de rexistro de cidadán da Unión

Se o documento é un Certificado de Rexistro de Cidadán da Unión, o número de soporte está no reverso da tarxeta. Escribe este número precedido pola letra "C." Se este número ten menos de 8 díxitos débese completar con ceros á esquerda.

Exemplo: Se o teu certificado ten como número de soporte: 9999999, debes indicar C09999999.

Nos certificados máis antigos, tamaño folio, o número de certificado (número de soporte) aparece no anverso, na parte superior dereita.

Tarxeta de estranxeiro

Se o teu documento é unha tarxeta de estranxeiro, o número de soporte aparece no anverso e consta de 8 díxitos precedidos da letra E. Exemplo: E87654321.

Permiso de residencia

Se o teu documento é un permiso de residencia, o número de soporte aparece tamén no anverso e consta de 8 díxitos precedidos da letra E. Exemplo: E87654321.