Presentación electrónica do modelo 576

A presentación electrónica do modelo 576 é obrigatoria e poderás acceder ao formulario identificandoche con certificado electrónico emitido a nome do declarante, DNIE ou Cl@ve. Se non dispós dalgún dos sistemas de identificación requirida, cómpre que a persoa que realiza a presentación estea autorizada para presentar declaracións en nome de terceiros, ben por estar dado de alta como colaborador social, ou ben por estar apoderado por ti para realizar este trámite.

Ademais, para realizar calquera trámite a través de Internet cómpre que o NIF estea identificado pola AEAT, é dicir que estea censado como contribuínte. É posible comprobar se un NIF está censado a través da opción "Comprobación dun NIF de terceiros a efectos censuais" situado en todas as xestións do modelo 030. En caso de non aparecer como contribuínte censado na AEAT, non será posible realizar ningún trámite a través de Internet ata que non se presente un modelo 030 na correspondente Administración ou Delegación.

Na xanela emerxente selecciona o tipo de medio de transporte.

En caso de marcar a opción "Automóbiles", deberase cubrir o campo "Nº Identificación (Bastidor)". A continuación, introduce de novo o número de Bastidor comprobando que o código indicado é correcto. Presta especial atención ao dato indicado xa que, unha vez presentada a declaración non será posible modificaro. Despois, pulsa "Aceptar".

Cobre o formulario, os campos marcados con asterisco son de formalización obrigatoria.

Na parte inferior do formulario encontrarás os botóns dispoñibles:

• Mostrar ou ocultar información sobre erros ou avisos de formalización.

• "Borrar declaración" elimina os datos da declaración en que estás traballando para empezar unha nova.

• Co botón "Validar declaración" podes comprobar se tes avisos ou erros. Se detecta erros terás que corrixiros para poder facer a presentación.

  

  Se non se detecta ningún erro na declaración, na descrición informarase de que non hai erros.

• Tamén dispós do botón "Importar" se tes un ficheiro xerado por un programa externo ou gardado previamente desde o propio formulario (utilizando o botón "Exportar" que aparece na última xanela ao pulsar "Formalizar Ingreso/Devolución", antes de confirmar o envío). Se non utilizaches o formulario proporcionado pola Axencia Tributaria para obter o ficheiro, debes asegurarche de que se axusta ao deseño de rexistro aprobado para o modelo 576 e publicado na web.

  

• Utiliza o botón "Formalizar Ingreso/Devolución" para presentar a declaración unha vez cumprimentada e validada sen erros.

  

Se o resultado é unha cantidade positiva, é dicir, a ingresar, en primeiro lugar debes efectuar o pagamento do importe resultante da declaración. O NRC (Número de Referencia Completa) é o código xustificante do pagamento. En caso de dispor de certificado electrónico, DNI ou Cl@ve, podes realizar o pagamento desde "Pagar, aprazar e consultar", "Todas as xestións", "Pagar autoliquidacións" ou dentro dos trámites do modelo desde "Modelo 576-Pagamento do imposto de matriculación". Tamén no propio formulario dispós da opción de conectar coa pasarela de pagamento, utilizando o botón "Realizar pagamento (Obter NRC )". Indica os datos requiridos e a aplicación devolverá un NRC (xustificante do pagamento). Tamén se pode obter o NRC a través da páxina web da entidade bancaria ou a súa banca telefónica, se a entidade dispón destes servizos, ou persoalmente nunha das súas oficinas. Anota o NRC para incluíro despois no formulario de presentación.

Por último, se a declaración non contén erros, fai clic en "Asinar e enviar". Marca o recadro "Conforme" e pulsa "Asinar e enviar" para completar a presentación.

Mostrarase unha folla de resposta da presentación da declaración cun código electrónico de validación. Podes gardar ou imprimir esta folla de resposta como xustificante da presentación.